Rofrano nel Cilento – Cunti ri lu paese di Nicola Raffaele Coviello (2026) · capitolo 5 di 8
In questa pagina: Lu criaturu · Nne pi unu nne pi dui nne pi tre · Cchi tiempi · Ziu Cenzo · Lu rispettu · La pirata · Maurizio · Cumma Anna · Zia Trisina · Zia Tresa · Cinzino · Orsolina · Lu craparu · Peppo il cantastorie
Lu criaturu (Il bambino)
Giuanni e Mario iucavanu felici,
crisciuti nsieme ‘mpieri a la Rinazza.
Giuanni era semp ‘ngiro cu l’amici,
Mario fatihava e po’ scinnia a la chiazza.
Unu s’era spusatu ra guagliuni,
cu fatica criscia la famiglia.
L’atu facia l’eternu scapuluni
e si vantava ri lu lascia e piglia.
Ma l’amicizia loro era vera
e iucavanu a briscula e tressette,
a lu bar si ncuntravanu la sera,
na birra, nu campari, dui barzellette.
Na sera ca Giuanni n’arrivava,
lu vireru passa inta la Cortina …
“Nu mmi pozzu fermà, – mentre frenava –
tengu n’appuntamento a la marina”.
Mario, ccu na birretta ppe gulio,
lu guardava appuggiatu a lu muru.
Ricette: “Sa cchi nge’, vengu pur ‘iu,
po’ ama viri’ a cchi assumiglia lu criaturu!”.

Questo personaggio si adatta perfettamente alla teoria del cerchio di Jung. Il cerchio rappresenta la conoscenza, se il cerchio è piccolo, chi sta dentro è convinto che al di fuori ci sia poco altro da conoscere e ritiene che quello che sa, sia sufficiente per dargli ragione in qualsiasi discussione. Chi, invece, è in un cerchio grande e lo allarga, incrementando le sue conoscenze, si convince sempre di più di sapere poco rispetto a tutto ciò che si potrebbe conoscere.
Nne pi unu nne pi dui nne pi tre
Ogni matina, quasi a la prim’ora,
saglia a la Cruci cu lu motozappa,
arretu lu fauciuni cu la zappa,
na cofana, na ciarla, nu mesale
si priparava a gghi a Santu Menale
e si nni ritirava a la cuntrora.
Lu vicinatu nni tinia paura,
picchi vulia ave’ sempe ragiuni.
Si liticava pi via ri nu confini,
senza penzà, chiamava l’avvocato
e facia causa a chistu a cchiddu e a natu.
Insomma nu tinia pisu e misura.
La putia, adduvi patrimu cusia,
era rimasta chiusa tantu tiempu,
roppu ca ppi tant’anni a l’acqua e vientu
avia cusutu giacche e cauzuni
ppi gente furastera e ppi paisani,
inta lu vasciu, affacciato a la via.
Lu muru cunfinava cu Nunziato
e patrimu ricette: “Accattatillo,
accussì nu fai lu giru ppi Zamilla,
nu milione e a la chiazza si nu rre”.
“Nne pi un unne pi dui, nne pi tre,
ppi lu locale ama ì parapatta e paci”.
Negli anni sessanta, mio padre faceva il sarto e il negozio alla “Croce” dava sulla strada. Molti ragazzi, che imparavano il mestiere, alcuni più anziani, altri giovani, cucivano seduti sulle scale.
Cchi tiempi
Chi tiempi quannu a la sartoria
arrivava primavera e estate
e li uagliuni,
mmienzu a la via,
cusianu e pazziavanu, assittati
ncoppa li scalinati ri Ginocchio19,
Giuanni ri Colauorio20 e Porreca
facianu soprammano,
e tutti in crocchio cantavano,
paria na discoteca.
La gente ca passava ppi la via
si priava a virì ncoppa ddi prete
dda uagliunama allegra, ca cusia,
Pascale, Hiancaredda e Psichiatra.
Ma tutto passa e nui pinzamu invece:
“Ah! Li tiempi passati eranu belli”.
Ma la vita era semplice e felice,
picchi a chiddi tiempi
si stia cchiu tranquilli.
19 Ginocchio: soprannome.
20 Colauorio: soprannome.
Un tipo gioviale, disincantato che amava prendere la vita così come si presentava, completamente avulso da tutte le dinamiche, che causavano stress, sia familiari che del lavoro.
Ziu Cenzo
Mi ricordo a zio Cenzo, a piano terra,
a lu fuoco, nu liunu ropp’a natu,
facia fumu ccu zaccuni ri cierro
ppi curà capucuoddi e supersate.
Zia Rosina mpastava farina
e priparava pasta ri casa
menti, inta na pentola chiina,
pappuliava lu sucu ri castrato.
Ziu cenzo era capocantoniere,
roppu mangiato, verso la cuntrora,
ratu ca s’era fattu nu bicchiere,
si riposava inta la carriola.
R’estate ia a caccia tutti l’anni,
po’ turnava e arrivatu a li Capizzi
chiuria, ppi nu scupri, lu saccapani,
c’avia sparatu cientu malivizzi.
A tavula inta la cristalliera
tinia lu piattu cu li piparuoli
e sbuffava cumi na ciminiera
menti li stinnia ncoppa li fasuli.
La furchetta mpugnata cumi n’arma
li rienti larghi c’azzippava meglio,
mangiava e senza fretta, cu na flemma,
nzalate e pimmarole chini r’aglio.
E zia Rusina uardava la puntata,
po’ liggia “Sogno” e paria tutto veru.
Ricia: “Ecco anu fattu la frittata”,
si viria qualche vasu e nu suspiro.
Ma po’ sintietti,
(avietti la furtuna),
scinnennu ra la casa ppi ghia sci,
ment “Lu Lem21” scinnia ncoppa la luna:
“A fa’ ncul, chi nci le fatti ì!!”.
Quando ero ragazzo, il rapporto con le persone anziane era di estremo subordinazione, era quello che richiedevano i nostri genitori, a cui si minacciava di rivolgersi (“lu dicu a patrutu”), se mancavamo di rispetto.
Lu rispettu (Il rispetto)
Quann’eramu criaturi ‘ngera rispetto,
si ‘ncuntravi n’anziano pi la via
ti mannava accattà li sigarette
e tu ubbirivi cumi pi nu zio.
“Uagliu’ a chi si figlio, ti canuscu?”.
Po’ ti ria vinti liri senza riesto:
“Curri a lu tabacchino addu a Loguercio,
n’Alfa e n’Esportazione senza filtro”.
Quannu turnavi, roppu fatta na corsa,
tu t’aspittavi ca facia na mossa,
ma si spiravi ca mittia manu a la sacca,
rischiavi r’acchiappa’ nu liscio e busso.
Nun c’è chi dici, eranu ati tiempi,
ngera miseria e genti analfabeta,
lu iuornu succiria poco o nient’.
Putin e Trump eranu comete.
21 LEM: modulo lunare atterrato, nel 1969, sulla luna.
I versi dicono tutto e c’è da sottolineare l’autoironia del personaggio, che, nonostante fosse caduto in bassa fortuna, prendeva la vita con filosofia.
La pirata (Il passo)
Vicienzo, quannu era industriale,
tagliava boschi e vinnia pali e traverse.
La famiglia era agiata, nu stia male
e attuorno a pizzulià eranu diversi.
La verità? Era n’omu generoso,
nun sapia rici no quasi a nisciunu,
a lu bisuognu nun trovava scuse
e dia na manu a cchiu di quarcherunu.
Ma la riconoscenza è na chimera
e ti faci scorda chi ha fattu bene,
all’improvviso ra matina a sira,
ti risolleva ra tutte li pene.
Na sira ncuntra nu beneficiato,
nun salutau,
avia fattu quarche lira
Ricette:
“Prima mi canuscia a la pirata,
mo’ ri passu ppi nanzi e nun mi viri!
Maurizio, come tutti i bambini, era perplesso sul perché dovesse andare a scuola e opponeva una moderata resistenza, combattuto tra la paura della novità e la curiosità di sperimentarla.
Maurizio
Maurizio ia a la scola elementare
ma ogni matina priestu ngrugnilava.
Zziu Cenzo lu purtava pi la mano
e cu la vuci calma ri parlava.
“Va a la scola che ti faci cristiano.
Si no, quannu si gruosso vai a zappà”.
Ma iddu rispunnia ra coppa manu:
“Nun sacciu leggi, chi ngi vau a fa’?”.
Lu pomeriggio pigliava lu quaderno,
ma, assittatu a lu banco, zuffitiava,
a fa aste e cococchi era nu mbierno
e cittu, inta lì rienti rusicava.
Ziu cenzu, sutta li baffi ca riria,
facia battute ppi sdrammatizza:
“Uaglio vistu ca si a la casa mia,
li dischi mei nu le a iastimà”.
Ma iddu pi dispiettu rispunnia:
“Mannaggia core ngrato e a luna rossa,
scapricciatiello, a pizza, o sole mio,
mannaggia Nino Taranto e la mossa”.
E ghianu annanzi cu sta iacuvella:
“Mannaggia malafemmena e zazà.
Però: “Si mi iastimme a reginella,
almeno lazzarella le ‘a lassa stà”.
Ma niente, nu vulia sent’ ragione,
e chest’è anima e core, oi marì,
“Mannaggia Aurelio Fierro cu guaglione”,
te voglio bene assai, che t’aggia dì.
Maronna mia, ziu Cenzo cchi risate,
mentre lu curriava pi la casa
e facia finta ri mina mazzate:
“Ah! Si ti piglio, su pizzichi e vasi”.
Negli anni ’60, mentre iniziava il boom economico, l’analfabetismo era molto diffuso, ma si incominciava ad avvertire la necessità di uscire dal torpore degli anni del dopoguerra e imparare almeno a leggere e scrivere, per le normali relazioni della vita quotidiana.
Cumma Anna
Cumma Anna ri lepre, marinui,
tinia cchiu di 30 anni a cchiddi tiempi
estate, vierno, neve, acqua e biento,
mangianno pane asciutto, “ca Dio sape”,
passava li ghiurnate a guarda crape,
sapia cunta cchiu o meno finu a dieci.
Nun sacciu si fui idda o fu lu patri,
pinzau ri si mparà a leggi e scrivi
e sorima ricette: “Si ngiarrivi
rimani, vieni ccu quaderno e penna,
ri sira, quannu tuorni roppu cena,
iu circu ri ti mitti apparu a lati”.
Quannu lu patri seppe c’avia spenne,
ri si arrizzaru lì capiddi ncapu:
“Nu moglia la maronna, iu su natu
e maggi’avutu fa tuttu ra sulu,
vuo’ fà ca a cchist’età lu pigliu ngulu
a gghitta sordi pi quaterni e penne?
Ziu ‘ntonio, ca era nu perito agrario,
‘ncoppa nu tavolino disegnava
li linee ri confine e cancellava.
Pirciò Anna scuprette ca la gomma
putia cancellà fogli e quaterno,
suspirau forte e ri mancava l’aria.
Ncoppa lu libro purtava lu segno,
uardava li fiure e pronunciava:
“Sorice, lietto, milo” e si ‘ncazzava
picchi uardava suli li disegni.
Ricia: “Iu lu quaternu nu lu ngignu,
si nu mi rai la gomma ca cancella”.
Na sira la sintemmu c’arrivava,
si prisintau cu nu mazza r’ardicule.
Ricetti a tutti in coro gruoss e picculi:
“L’aggiu cugliuti freschi stamattina,
picchì mo’ ngiaggia pungi a Orsolina,
ca l’aggiu vista riri e mi cuffiava”.
Una mia vicina di casa, che aveva appreso l’arte di far nascere i bambini e che si metteva al servizio di chiunque avesse necessità, dal momento che l’ospedale era distante e l’assistenza era carente, in un periodo di grande crescita demografica.
Zia Trisina
Zia Trisina era na fimmina esperta,
avia fattu na vita la vammana.
Chi la chiamava nni putia sta certo,
picchì era na femmina a la mano.
Zichi, gruossi, minzani, vivi o muorti,
mmienzu la chiazza o inta a na campagna,
curria addu a tutti, sira, iuornu e notti,
sempi cu lu sorriso, mai na lagna.
Ma po’ li tiempi cangianu pi tutti,
prima li figli nascianu a uocchi chiusi,
po’ accumingiaru a nasci a uocchi aperti
e zia Trisina rimase confusa.
Assittata a lu vangu, attizzava na cippa,
e pi frutta ammunnava rui scarmagli.
Ricette: “Lu munnu, sienti a mi,
vai sutta e ncoppa,
lu cafè prima scinnia, mo sagli!”22.
22 Con la caffettiera napoletana, il caffé scendeva, ma, con l’arrivo della moka, il processo si invertì e il caffé saliva.
Il ricordo di questa vecchia zia è vago, non so se fosse vedova o “zitella”, ma sicuramente diffidente e poco incline ai rapporti umani e bastava prenderla nel modo giusto e regalargli un po’ di quella dolcezza, che non aveva mai avuto.
Zia Tresa
Zia Tresa era na femmina anziana,
ricordo ca abitava faccifrunte,
senza parienti pi ri ra na mano,
aspettava qualcuno pi fa rui cunti.
Passava li ghiurnate a la finestra,
paria ca era incapace ri penzà,
nzino tinia sempe na canestra
cu nu linzulu sciato r’ arripizzà.
Era scontrosa pi la solitudine,
si ri parlavi ti rispunnia ncazzata
e nu mostrava mai na gratitudine,
si ri rivi na cosa priparata.
Qualcuno ri ietti a dici cu na scusa:
“Viri ca Giesumina t’è criticatu,
è dittu ca si brutta e zirpulusa”,
e lu dicetti pure a mamma e a lati.
Mammama, ca era na femmina santa,
ricetti: “Mo’ l’accunzu pi li feste”.
Pirciò, senza sape ne cumi e quanno,
bussau chianu a la porta e trasette.
Pigliau na bagnarola china r’acqua
e la lavau ra la capu a lu pere,
la pittinau cu nu pettini strittu,
ri tagliau puri l’unghie ri li pieri.
Zia Tresa rimanette assai curriva,
tutt’a nu trattu avia persu la boria,
pensava, mente si vistia pulita:
“Catenazzu è bona la zoria!!”.
Cinzino era un ragazzo con un’intelligenza superiore alla media degli standard del paese, brillante e amante della bella vita.
Cinzino
Cinzino era nu poco scapocchione
e ri piacia a ghi auciddiannu,
cu na decappottabile arancione
in giro cu l’amici tuttu l’anno.
Li libri, pochi, inta la libreria,
ammucciavanu roba pi fumà,
la sira li guardava cu nostalgia,
picchi nu li bulia consuma.
Tinia sempi stampato nu sorriso
e a chiunque viria lu salutava.
Però, avia fa’ l’esame a fine mese
e intanto pirdia tempo e nu sturiava.
Quannu si prisintau a la commissione,
a la prima domanda: “Scena muta”
e lu preside, vista la situazione,
chiamau lu bidello e fici sta battuta:
“Gennaro per piacere vai e vieni,
e corri va, fatti questa camminata,
portarmi subito un fascio di fieno”.
E Cinzino: “A mi mi puorti n’aranciata”.
La descrizione di questa signora buona, dolce, silenziosa, rispettosa mi commuove. Il ricordo del vissuto di questa persona, lontana da casa e a completo servizio del suo datore di lavoro, provoca sensazione che all’epoca, da ragazzo, non ho percepito compiutamente.
Orsolina
Abitava a la casa ri zia Rosa,
na fimmina minuta, abbandonata,
lasciata sula, priva ri ogni cosa,
nn’anzi a lu fuocu tutta la iurnata.
Ra la Calabria, ca era na criatura,
la mannaru a sirvizio ri unu riccu,
ca l’ospitava inta a quattu mura
e cu la sirvitù facia lu miccu.
Idda criscia e criscianu li minne.
Chiù la uardava chiù criscia lu uliu,
ma, l’indifesa, nun sapia rispunni
e nisciuni ri indicau la via.
La pinitenza ri la lontananza
la paau facennunci rui figli,
ca, stu senza core, chinu r’arroganza,
subitu alluntanau ra la famiglia.
Senza sapi’ s’erano vivi o muorti,
era invecchiata, tutta scartellata.
Ri cchì pinzava, nu nni simu accuorti,
ma finu a la fini l’amu rispettata.
Sapissi quanta vota ngiaggiu chiantu
inta lu cimiteru ccu nu giglio,
passannu, iu mmi nci assettava a fiancu,
ca mi vulia bene cumi nu figliu.
In questo caso il detto, “Contadino scarpe grosse e cervello fino”, non si adatta al personaggio. Famiglia matriarcale in cui l’uomo è soltanto un complemento al gestore degli affari di famiglia.
Lu craparu (Il pastore)
Giuanni lu craparu era nu poco abbunato
e a la campagna pascia e facia l’uorto,
pi lu riestu nun era granché purtato
e cumbinava suli uai si nu stia accuorto.
Lu sabato a la fera ri lu paisi
scinnia cu la mugliere pi fa acquisti.
Uardava bancarelle e rrobba appisa,
ma stia senza rinari “a tiempi tristi”.
“Mo sa cchi ‘nge’”,
pinzau, “vingu na crapa”
e s’abbiau a la fera al’ammucciuni
ri la mugliere, ca, ppi cchi nu sape,
tinia li sordi sutta nu mattuni.
Quannu turnau a la casa, assai cuntentu,
picchi l’avia vinnuta milli liri,
la mugliere tinia lu chiantu a stientu
e lu curriava ca lu vulia acciri.
“Mo’ ngi vau iu a parlà, tu statti llocu”.
“Cumpà, tieni ragiuni e non hai torto,
ppicchì re ratu chiddu c’ha vuluto,
ma maritimu t’è circatu pocu,
sienti, mo’ ti lu ddico, iu su Rosa,
a lu prezzu, ‘nge aggiungi nata cosa!”.
Questo personaggio ebbe realmente un suo periodo di notorietà in un’epoca di analfabetismo, che non sempre consentiva di dichiararsi alla persona amata. Quando l’uomo percepiva di essere corrisposto o voleva fare colpo su una ragazza, ingaggiava Peppo, che, con la sua chitarra battente, si recava con il pretendente a portare la serenata sotto la finestra dell’amata.
Peppo il cantastorie
Peppo tinia na vuce forte e chiara,
era specializzato a fa li serenate,
estate e vierno quannu vinia la sera,
sutta la finestra, cu lu nnammurato
cantava, ppi procura, a la sua bella:
“Fiuri ri spicaddossa profumata,
pigliati a ‘Ntonio, tu ca si na stella,
si no, la casa si la piglia nata”.
Lu patri, ca sintia arretu a li lastre,
ricia a la figlia: “Affacciati, rispunni,
chistu nun è operaio, chistu è masto”.
E la figlia rispunnia cu scocche russe e tunne:
“Fiori ri giesummino e di inestra.
cu sta canzone te pigliatu lu core
e ti rispungo ra coppa la finestra,
cu ti mi voglio metti a fà l’amuri”.
Na sira lu chiamau nu cristiano
ca ricette: “Ue Pe’, nun uarda stuart’,
ma stasera ara canta chiu chiano,
picchi vicino ana atterrà nu muortu!”.
E Peppo rispunnette:
“Aggiu cantatu pi lu cilientu sano
e di la vuci mi ’anu fattu vanto.
Mo tu mmi rici c’aggia cantà chiano?
Iu po’, secondo te, vengo e nun canto?”.
Due personaggi della mia infanzia, che mi sono rimasti impressi nella memoria. Uno era caduto con un aereo e fu trasportato a Rofrano per parte della sua vita, fino a quando, a seguito di un ricovero ospedaliero, fu riconosciuto da un suo compaesano, il quale avvertì i familiari che lo riportarono al suo paese; l’altro, un anziano e vispo novantenne di Torre Orsaia, che frequentava le fiere dei paesi vicini, tutti gli anni, fino a divenire una presenza familiare.
← I racconti di mio padre (1ª parte) · Indice del libro · I racconti di mio padre (3ª parte) →


